وائل جمعة للاعبي الأهلي: أتمنى كل واحد منكم يحاسب نفسه

حرص وائل جمعة نجم النادي الأهلي، على توجيه رسالة عاجلة للاعبي الفريق، عقب التعادل أمام بتروجت، باللقاء الذي جمع الفريقين، ضمن مباريات الجولة الثانية عشرة من مسابقة دوري nile للمحترفين، والتي أقيمت على ملعب الكلية الحربية.

تعليق وائل جمعة على تعادل الأهلي أمام بتروجت في الدوري

ونشر وائل جمعة رسالة عبر حسابه على موقع أكس: كلمتين للعيبه الاهلي بقالي فتره متكلمتش علي الاهلي بس اللي أنا شايفه دلوقتي لازم من حبنا للنادي الأهلي نوصله للعيبه لو غايب عنهم وانا هتكلم بلسان المشجع، احنا بنحب الاهلي وهنفضل نحب الاهلي بس اوعي تفتكر ان الجمهور هيحبك علي حساب النادي فانتا كلعيب رصيدك بتبنيه من تضحيتك ومحافظتك علي بيتك اللي هو بيت المشجع ده المشجع الأهلاوي عايز يشوفك بتحارب علشان بيتك ده وعلي انتصاره وان اسمه يفضل مرفوع دايما.

وتابع: أتمنى كل واحد منكم يحاسب نفسه، علي اللي قدمه الفتره اللي فاتت ومدربين كتير جم ومشيوا الفتره اللي فاتت علي غير عاده الاهلي، احنا مرينا بالفتره دي قبل كده ومش معني ان النادي بيمشي المدرب فأنت كلاعب  بعيد، لا لابد اننا نبص في المرايه بتاعتنا ونحاسب نفسنا محتاجين نشوف رد فعل مختلف منكم ودايما وراكم طول مانتم بترفعوا وتفرحوا شعب الاهلي.

وتعادل النادي الأهلي أمام بتروجت بهدف في شباك كل فريق، في اللقاء الذي أقيم على أرضية ملعب ستاد الكلية الحربية.