03:58 م
الثلاثاء 18 يوليه 2023
كتبت- هند عواد:
تحدث نجم الزمالك ومنتخب مصر السابق، هشام يكن، عن الظروف الحالية التي تؤثر على القلعة البيضاء
وتساءل في حديثه لمصراوي: “مين اللي بيدير الصفقات؟، مين رئيس النادي؟، نادي الزمالك في نفق دلوقتي يا يطلع منه، يا هيقع فيه، وخروجه الزمالك من النفق، يرجع حسب تدخل مجلس الأعلى للشباب والرياضة”
وأضاف: “اللي بيعملوه الصحفيين في الإعلام وعلى شاشات التلفزيون، بيحاربوا نادي الزمالك، خلاص نعمل إيه؟”
يعني انتوا فاهمين إن نادي الزمالك برجلين وإيدين وبق، نادي الزمالك مش قادر أنه يطلع من النفق اللي هو فيه نتيجة إن الناس بتتصارع عليه في كل حاجه، فبيحاولوا يهزموا الصرح ده، احنا مش ف ايدينا حاجه، مش ف ايدينا قرارات، مش ف ايدينا نعمل أي حاجة”.
وتابع: “المفروض اللي يساعدنا ننظم النادي وأموره إن الناس دي تبعد عن نادي الزمالك، من خلال الجهات الإدارية احنا لا نملك الجهات الإدارية”.
يذكر أن نادي الزمالك يمر بظروف صعبة في الوقت الحالي، بعد صدور حكم وقف قيد اللاعبين بسبب مستحقات شيكابالا لصالح نادي لشبونة البرتغالي، بالإضافة للنتائج التي لا ترضي جمهوره.
اقرأ أيضًا:
“في شخص خانقنا”.. مرتضى منصور يصدم جماهير الزمالك: لاعيبة الأهلي أخذت شنط فلوس
“أوسوريو هيتجنن”.. ميدو يستغيث لإنقاذ الزمالك