هجوم ناري من شوبير على الرابطة بسبب الأهلي والزمالك.. وكارثة منتظرة

شن الإعلامي أحمد شوبير، هجوما ناريا على رابطة الأندية المصرية المحترفة لكرة القدم، اليوم الثلاثاء، بسبب مجاملة الأهلي والزمالك على حساب باقي فرق الدوري المصري الممتاز «دوري NILE»، في توقيتات مباريات المسابقة بالوقت الحالي.

وقال «شوبير» في برنامجه عبر «راديو أون سبورت أف أم»: «حرام اللي بيحصل للاعبي الدوري المصري حاليا، بعيدا عن الأهلي والزمالك، رابطة الأندية عايزة تخلص على اللاعيبة ونرجع تاني لكارثة أحمد رفعت، لاعب مودرن فيوتشر».

شوبير يهاجم رابطة الأندية بسبب مجاملات الأهلي والزمالك

وأضاف: «فعلا اللي بيحصل في توقيت المباريات دا حرام جدا، إزاي الفرق تلعب الساعة 4 عصرا في الحر دا، وأراهن إن الأهلي والزمالك يلعبوا مباراة واحدة طول الموسم الساعة 4 بالوضع دا، والآخر عايزين أداء ومستويات قوية من اللاعبين».

وأكد حارس منتخب مصر الأسبق: «يا جماعة مينفعش اللي بيحصل دا، رابطة الأندية لازم تراجع نفسها مرة تانية في توقيت المباريات، ودا طلب مش مستحيل، لكن المباريات تتلعب بالتوقيت دا في الحر دا حرام، وأراهن إنكم تطبقوه على الأهلي والزمالك».

وتابع أحمد شوبير: «اعتبروا الأندية اللي بتلعب الساعة 4 دي الأهلي والزمالك، عاملين تفرقة ليه بين باقي الفرق والأهلي والزمالك، ولا عشان القطبين عندهم جماهير وإعلام، كل الفرق سواسية ومن حقها تلعب في أجواء طيبة أي كان مصيره بالدوري».

شوبير يكشف عن كارثة قد تحدث في الدوري المصري بسبب رابطة الأندية

واختتم نائب رئيس اتحاد الكرة الأسبق حديثه، قائلا: «غير مقبول ما يحدث بسبب رابطة الأندية، وهيبقى في كارثة منتظرة بسبب لعب الأندية في الجو الحر دا، وهتحصل كارثة زي اللي حصلت مع أحمد رفعت، وهتفوقوا على كارثة بسبب التعمد في توقيت هذه المباريات، لكن ممكن المباريات بدل ما تتلعب 4 تقام 5 مثلا».