هجوم ناري من حسام عاشور على أفشة: «مينفعش يقول الكلام ده في الأهلي»

هاجم حسام عاشور، كابتن النادي الأهلي الأسبق، محمد مجدي «أفشة»، صانع ألعاب الأحمر، بعد تصريحات الأخير، مساء أمس الأحد، في أحد البرامج التلفزيونية.

وكان أفشة قد قال في تصريحات تلفزيونية: «أنا مظلوم من ناس كتيرة.. وبقينا ندور على الناس بتاعة اللقطات والشو والكلام عشان نديهم الترند، وفيه لاعيبة بتوع لقطة ومتسيطة من الجمهور على الفاضي ومش هيطولوا»، مشيرًا أنه كان أكثر حسمًا من زميله إمام عاشور في نهائي كأس مصر الماضي ضد الزمالك، ومع ذلك لم يشعر بالحزن بسبب حصول إمام على جائزة أفضل لاعب في اللقاء.

حسام عاشور يهاجم أفشة بعد تصريحاته الأخيرة

ورد حسام عاشور على «أفشة» في تصريحات تلفزيونية: «مينفعش أفشة يقول الكلام ده في الأهلي، لو هو يقصد إمام عاشور وكهربا، يشوف إمام عمل إيه في ماتش نهائي الكأس أمام الزمالك، عشان كدا أخد جائزة رجل المباراة، الفريق كله بياخد اللقطة مش لاعب معين.. حتى الديفندر بيطلع كل اللي عنده ووقت لما كنت بلعب كنت بطلع نار من بوقي (فمي)».

وأضاف: «في فتره مروان عطية كان بياخد رجل المباراة كل ماتش، عادي خالص مع إنه ديفيندر، لأنه بيجتهد ويستحق».

واختتم عاشور: «أفشة قال كنت استحق رجل مباراة الزمالك في نهائي الكأس، وأعطوها للاعب تاني رغم أنه أحرز الهدف لكن كان في لاعيبة أحسن منه، وتصريحه غير موفق».