08:14 ص | الثلاثاء 16 أبريل 2024
الأهلي والزمالك
كشف أحمد حسام ميدو، نجم نادي الزمالك السابق، خلال الساعات الماضية أسباب خسارة الأهلي أمام الفارس الأبيض في مباراة القمة 127، والتي فاز بها أبناء ميت عقبة بهدفين مقابل هدف، في لقاء مؤجل بين الفريقين من الجولة العاشرة لبطولة الدوري المصري الممتاز «دوري nile» لنسخة الموسم الكروي الجاري 2023-2024.
وقال ميدو عن أسباب خسارة الأهلي أمام الزمالك في القمة 127: «مش عارف ليه دايما الأهلاوية بيدوروا على حاجات بره الكورة تبرر أي خسارة يا إما الحكم يا إما الجمهور يا إما الملعب يا إما الهوا يا ضغط الماتشات أو الإصابات المرة دي بقى جديدة السبب الرئيسي للخسارة هم حاملي الكرات».
ميدو: الحقيقة إن الأهلي عنده مدرب مغرور
وأضاف: «الحقيقة إن الأهلي عنده مدرب مغرور مكسب ماتش نهائي الكأس رغم غلطات المدرب القاتلة وسوء مستوى فريقه خليته يفتكر إنه ممكن يكسب الزمالك بأي حد! ومفيش حد حواليه ينصحه إن ماتش الديربي كبير مهما كان المنافس بعيد وإن نتيجته ليها توابع في المدرج وفي المكتب».
ميدو بعد قمة الأهلي والزمالك: مبروك للأبيض الفوز المستحق والمهم
وتابع ميدو: «مبروك للزمالك الفوز المستحق والمهم، كل لاعيبة الزمالك رجاله، بحييهم كلهم لعبوا بقلب وحاربوا علشان خاطر جمهورهم وعلشان خاطر الفانلة اللي لابسينها، إن شاء الله مكسب امبارح يكون نقطة تحول للفريق».
واختتم نجم نادي الزمالك: «هارد لك لأصحابي الأهلاوية بنفكركم الزمالك هيفضل كبير مهما حاولتم تقللوا منه، عاش الزمالك أكبر قلعة رياضية في مصر».