ميدو: «زيزو عليه فلوس للزمالك» ويكشف سبب استبعاده من الفريق

كشف أحمد حسام ميدو عضو لجنة التخطيط بنادي الزمالك، عن تفاصيل استبعاد أحمد سيد زيزو من مباراة ستيلنبوتش في إياب ربع نهائي بطولة الكونفدرالية.

وقال ميدو في حديثه ببرنامج ملعب أون عبر قناة أون سبورت: «قلت لإدارة الزمالك لازم يتم استبعاد زيزو من مباراة ستلنبوش عشان ميأثرش على باقي اللعيبة وكان لازم نوفر لهم مناخ جيد يلعبوا فيه الماتش».

وتابع: «استبعاد زيزو من مباراة الأمس هو حماية لزيزو وكمان للفريق علشان مع أى نتيجه سلبية كان غضب الجمهور كله هيتوجه للاعب، ومينفعش يكون عندك مباراة مهمة جدا تاني يوم ويتوجه للسفارة الأمريكية من أجل استخراج تأشيرته ومعانا إثباتات بكده».

وأكمل: «إحنا بقالنا فترة بنحاول نقعد مع زيزو ووالده والمحاولات دي فشلت، وحتى لما عرضنا عليه عرض رسمي مجاش رد، وقال إن له مستحقات متأخرة وردينا عليه بأن المستحقات الذي ذكرها غير صحيحة وبعتناله صورة من مستحقاته وهو كان عليه فلوس للنادي لأنه كان بيطلع في إعلانات والنادي مفروض ياخد جزء من الإعلانات دي».