مصطفى شلبي: «بتكسف أشوف ترتيب الزمالك في جدول الدوري»

قال مصطفى شلبي، جناح الفريق الأول لكرة القدم بنادي الزمالك، إن الفريق الأبيض «قادر على التتويج ببطولة الدوري»، رغم وقوعه في المركز الـ12 حاليًا.

مصطفى شلبي: عندنا مباريات مؤجلة ولو كسبناها هنقرب بشكل كبير

وفي تصريحات تليفزيونية، قال مصطفى شلبي: «بتكسف أشوف ترتيب نادي الزمالك في جدول الدوري، عشان دي مش قدرات نادي الزمالك ولا مكانته الحقيقية».

وأضاف: «إن شاء الله ناخد الدوري الحالي.. لسه بدري»، متابعًا: «عندنا مباريات مؤجلة ولو كسبناها هنقرب بشكل كبير، والأمور في تحسن وبناخد ماتش بماتش والكونفدرالية أعطتنا دفعة قوية».

ويحتل نادي الزمالك المرتبة الـ12 في جدول ترتيب الدوري المصري برصيد 28 نقطة، بعد خوض 17 مباراة فقط، ولديه 7 مباريات مؤجلة.