محمد سراج الدين يعتذر عن تهنئة بيراميدز: «لم أقصد»

أعتذر محمد سراج الدين عضو مجلس إدارة النادي الأهلي على تقديم التهنئة لنادي بيراميدز بعدما توج ببطولة القارات الثلاثة عقب الفوز على أهلي جدة بثلاثة أهداف مقابل هدف وحيد، حيث قرر حذف بوست التهنئة للنادي السماوي بسبب هجوم الجماهير.

وكتب محمد سراج الدين في بوست الاعتذار عقب حذف التهنئة الخاصة بنادي بيراميدز: «بعتذر عن بوست التهنئة من شوية بس المقصد منه كان بمنتهى حسن النية وربنا الأعلم والمباركة كنت أقصد بها اللاعبين اللي لعبوا بروح عالية ورجولة كلاعبين مصريين (معظم الفريق ) قدام فريق غير مصري ولاعبين أجانب لكن ولا اقصد به تهنئة إدارات ولا غيره ولا في دماغي ولا نيتي ومحصلش ان حد هنأ النادي الأهلي قبل كده عشان أقدمله تهنئة رسمية الموضوع حصل بشكل عفوى وودي أنا كان ممكن أقول ده الأدمن او غيره اللي كتب لكن أنا بحب المصارحة والمواجهة واحترام الجمهور والأصدقاء قبل كل شئ واساءت التقدير في التهنئة كلنا بشر في النهاية قد نخطأ أو نصيب».

عضو الأهلي يكشف هل التهنئة متعلقة برحيله عن النادي؟

وتابع: «وأعتقد أنا معروف موقفي وكان واضح في مواقف سابقة كتير ومتسجل قدام اي توجه ضد النادي من قريب او بعيد وبالعكس البوست ملوش أي علاقة باستمراري في النادي من عدمه لأن مع كل مواقفي السابقة واللي ممكن تكون سببت ضرر ليا بشكل شخصي في أمور معينة عمري ما طلعت وضحت أو تم المتاجرة بهذا الأمر وسببها بيكون غيرتي على النادي زي أي مشجع ومحب للأهلي قبل ما أكون مسؤول بالعكس أنا بكون كده ومقيد بسبب تقاليد المنصب».

وأكمل: «وبالعكس لو مش مستمر هكون واخد راحتي أكتر في الردود والهجوم عن كده وده هيحصل فعلا لو مش في موقع المسؤولية مستقبلاً ولا هيفرق عندي أجامل حد ولا أكسب حد عشان مش موجود أو مش مكمل الأهلي بيكون هو اللي في دماغي وبس…بعتذر مرة تانية والموضوع حصل بشكل عفوي وكل الإحترام لأي حد زعل أو أضايق من البوست وأهم حاجة ربنا يكرمنا في المبارة القادمة ويستعيد الفريق مكانه المفضل رقم ١ قريباً إن شاء الله».