كريم شحاتة: الأهلي يوافق على بيع إمام عاشور بعد كأس العالم للأندية

رحب مسؤولو النادي الأهلي، ببيع إمام عاشور، لاعب خط وسط الفريق، بعد خوض منافسات كأس العالم للأندية 2025 بأمريكا، حال تلقي اللاعب عرضا مناسبا.

الأهلي يرحب ببيع إمام عاشور بعد كأس العالم للأندية

وقال الإعلامي كريم حسن شحاتة، في تصريحات تليفزيونية: «عرفت إن فيه موافقة من جانب إدارة النادي الأهلي لبيع إمام عاشور، حال وصول عرض مناسب، لكن بعد خوض منافسات كأس العالم للأندية».

وأوضح «شحاتة»: «الكلام ده غير مُعلن، ومستحيل حد من داخل النادي الأهلي يطلع يقوله، لكن أنا بقول اللي أعرفه من مصادري، ومن معرفتي بما يدور في الغرف المغلقة داخل القلعة الحمراء».

سبب موافقة الأهلي على بيع إمام عاشور

وأشار إلى أن «اللي عمل كده إمام عاشور، بعد ما اللاعب دخل في مشكلات كتيرة الفترة اللي فاتت، داخل وخارج النادي، وكمان مستواه الفني في تراجع ملحوظ، ومش ده إمام اللي النادي الأهلي تعاقد معاه، ومعلومة مؤكدة الأهلي بيرحب ببيع اللاعب حال وصول عروض خليجية بمقابل مادي كويس بعد كأس العالم».

الأهلي يتعاقد مع إمام عاشور في 2023

وكان النادي الأهلي قد أعلن تعاقده رسميا مع إمام عاشور، في يوليو 2023، قادما من صفوف فريق ميتيلاند الدنماركي، دون الكشف عن القيمة المالية للصفقة.