03:41 ص | الأحد 07 يناير 2024
أفشة
كشف محمد مجدي أفشة لاعب النادي الأهلي عن صورة لم تظهر من قبل لحظة توقيعه على عقود تجديده للنادي الأهلي.
وكشف أفشة عن تفاصيل الصورة خلال استضافته ببرنامج الكابتن والذي يقدمه الإعلامي أحمد حسن وحرص على توجيه رسالة لـ أحمد حسام ميدو نجم الزمالك السابق قائلًا ك «الصورة دي أول مرة أشوفها خارج تليفوني وبسبب الصورة دي هوجه رسالة لـ كابتن ميدو أنا بحبه وبحترمه وعلاقتي بيه كويسة الصورة دي كانت في البيت عندي ومضيت على بياض محدش من الأهلي كان معايا وميدو قال إن مفيش حد بيمضي على بياض وأفشة حصل على الفئة الثانية وأنا بقوله أنا تحديدا لو الأهلي عرض عليا كل يوم التجديد على بياض هوقع برضه».
أفشة يوجه رسالة ساخنة لميدو بسبب تصريحاته عن التجديد: اللي ملعبش للأهلي ملعبش كورة#الكابتن pic.twitter.com/sViChu7syC
— dmctv (@dmctv) January 6, 2024
وواصل رسالته لميدو قائلًا : « اللي ملعبش للأهلي ملعبش كورة وأي حد في الأهلي بيدخل النادي هياخد أحسن بطولات ويروح أحسن الأماكن وهيلبس أفضل لبس بوضحله ليه لأن أنا مضيت فعلا على بياض وأقسم بالله لم يكن معي أمير توفيق أو أي مسؤول بالأهلي في المنزل».