طارق يحيى يوجه نصيحة لـ فيريرا بشأن عبدالله السعيد قبل مواجهة الأهلي

وجّه الكابتن طارق يحيى، نجم الزمالك السابق، مجموعة من النصائح الفنية للمدير الفني للفريق الأبيض يانيك فيريرا، وذلك قبل المواجهة المرتقبة أمام الأهلي، في قمة الدوري المصري.

طارق يحيى: السعيد بيبذل مجهود كبير في غير مكانه

وقال يحيى في تصريحات تليفزيونية: “مواجهة الأهلي والزمالك دايمًا بتكون مختلفة، والمفروض على فيريرا إنه يجهز لاعبيه نفسيًا وفنيًا، والأهم إنه يعرّفهم بمزايا لاعبي الأهلي جيدًا، خصوصًا عناصر الخطورة زي تريزيجيه وبن شرقي وغيرهم، لأن ده هيساعدهم في التعامل داخل الملعب”.

وأضاف: “نفس الأمر بينطبق على عماد النحاس، اللي بالتأكيد هيقوم بدراسة الزمالك بدقة، وهيحدد مواطن القوة والضعف، لأن مباريات القمة دايمًا بتشهد أعلى درجات التكتيك والروح القتالية من الفريقين”.

وتطرّق طارق يحيى للحديث عن بعض الملاحظات الفنية، قائلًا:”عندي تحفظ على مركز عبد الله السعيد، هو لازم يكون موجود في مركز 10، لأن وجوده هناك بيفرق كتير. صحيح إن فيه أزمة في الوسط مع وجود دونجا بس، وأحمد حمدي راجع من إصابة طويلة، لكن السعيد بيبذل مجهود كبير في غير مكانه، وتخيل لو ركز مجهوده في المركز اللي بيبدع فيه، ساعتها هيكون تأثيره أكبر بكتير”.

وتابع: “عندك كمان محمد شحاتة، بيجيد اللعب في مركز 8 و10، ومباريات القمة تحديدًا بيكون وسط الملعب هو الفاصل الحقيقي فيها، سواء في الاستحواذ أو بناء الهجمات”.

يحيى: فيريرا عنده الإمكانيات اللي تخليه يتعامل مع المباراة كويس

وأكد يحيى ثقته في قدرات المدير الفني البلجيكي، قائلًا:”فيريرا عنده الإمكانيات اللي تخليه يتعامل مع المباراة كويس جدًا، والتعادل أو الفوز هيمثل نتيجة إيجابية للزمالك، في الوقت اللي الأهلي هيبقى نازل هدفه الأساسي هو الفوز”.

وعن التشكيل الأقرب للزمالك في اللقاء، قال:”في رأيي التشكيل الأقرب هيكون:محمد صبحي – بن تايك – عمر جابر – محمد إسماعيل – حسام عبد المجيد – دونجا – ناصر – عبد الله السعيد – الفينا – شيكوبانزا – عدي الدباغ”.

وختم تصريحاته قائلًا:”أتمنى إن فيريرا يفكر في الدفع بـ دونجا بجوار لاعب ارتكاز تاني زي أحمد ربيع، مع وجود عبد الله السعيد في مركز 10، لأن ده هيوفر توازن أكتر لخط الوسط، وهيمنح الفريق قوة أكبر في مواجهة الأهلي”.