شيكابالا يهاجم تجاهل معاناة اللاعبين: «بنستنى الناس تموت علشان نتكلم عنهم»

في تصريحات تليفزيونية، وجّه محمود عبد الرازق شيكابالا انتقادات حادة لأسلوب التعامل مع أزمات اللاعبين، معتبرًا أن الاهتمام يأتي دائمًا «بعد فوات الأوان».

وأكد أن الوسط الرياضي لا يتحرك إلا بعد وقوع كارثة أو حالة وفاة، رغم وجود لاعبين كُثُر يعيشون ظروفًا صعبة دون أن يلتفت إليهم أحد.

شيكابالا: بنستنى اللاعب يموت علشان نقول كلام حلو

وقال شيكابالا إن حالات مثل محمد صبري وأحمد رفعت كشفت غياب منظومة حقيقية لرعاية اللاعبين، موضحًا: «نقعد نتكلم شهر واتنين عن الحالة، وبعد كده كل حاجة بتتنسي. محمد صبري لاعب معروف والناس هتقف معاه، لكن في لاعيبة في الدرجات التانية والتالتة والرابعة محدش يعرف عنهم حاجة… لو اتعرضوا لظرف مشابه، أسرهم هتعيش إزاي؟».

وتابع قائد الزمالك السابق حديثه بلهجة عتاب واضحة: «بعد أزمة أحمد رفعت، الإعلام والجماهير اتحركوا فترة، لكن بعد كده؟ مفيش حد اتعاقب ولا حد اتحرك. بنستنى اللاعب يموت علشان نقول كلام حلو. طب ليه ما نديهم حقهم وهما عايشين؟».

وختم شيكابالا رسالته قائلًا: «المواقف دي لازم تكون درس. الدنيا مش مستاهلة كل اللي بيحصل، ولازم يبقى فيه اهتمام حقيقي قبل ما يحصل مكروه لأي لاعب».