«سنة الحياة».. رسالة قوية من إبراهيم سعيد لـ محمد الشناوي

ألقى إبراهيم سعيد، نجم الأهلي ومنتخب مصر السابق، الضوء على استبعاد محمد الشناوي، حارس مرمى النادي الحمر من مباراة بلدية المحلة، على الرغم من جاهزيته الفنية.

إبراهيم سعيد: سنة الحياة ان جيل يسلم جيل ياشناوي

وفي تصريحات تلفزيونية، قال إبراهيم سعيد: «محمد الشناوي، يريد العودة للعب أساسيًا لكن التوقيت الحالي صعب جدًا، سيكون من الصعب على كولر أنه يقعد مصطفى شوبير، بعد ما تألق والمستوى الذي ظهر عليه في المباريات الماضية».

واضاف: «الكل في مصر بيدعم مصطفى شوبير، عشان يستاهل، واحنا مش بنجامله، الجميع بيشيد بيه، مش ممكن الكورة مفيهاش مجاملة خصوصًا النادي الأهلي معندوش حتة المجاملة لأن في جمهور كبير جدًا بيحاسب».

وتابع: «استبعاد محمد الشناوي، من مباراة بلدية المحلة، يدل انه كان في كلام فعلًا أنه عاوز يشارك اساسي، لكن صعب جدًا يا شناوي، وبكل صراحة أنت نجم كبير وحارس مرمى كبير جدًا اه لكن دي سنة الحياة، أن جيل يسلم جيل».

واستمر: «حقك أنك تطلب المشاركة بس اختار التوقيت الصح، مينفعش انك تيجي بعد فترة إصابة طويلة وتبقى عاوز تلعب أساسي، لأان ده مش عدل، طبيعي مصطفى شوبير، هو إللي يكمل حتى نهاية الموسم».

وزاد: «كنت أمني نفسي أن محمد الشناوي، يبقى موجود لسببين، أنه يكون عندك حارس مرمى كبير ده أولاً، حتى لو قعد احتياطي مش عيب خالص، كلنا قعدنا احتياطي، عصام الحضري قعد احتاطي ونجوم كتيرة جدًا قعدت احتياطي ده مش عيب خالص»