رسالة نارية من ميدو لـ سيف فاروق جعفر بعد توقيعه لبيراميدز

كشف أحمد حسام ميدو، تفاصيل جلسة سيف جعفر لاعب الزمالك مع مرتضى منصور في وقت سابق لتجديد عقده مع النادي.

قال ميدو في تصريحات تليفزيونية: «سيف فاروق جعفر اتفق مع مسؤولي الزمالك على كل شئ فيما يخص تجديد عقده والزمالك قدم له عقد مميز يليق بإمكانياته».

وأضاف: «سيف بعد ما خلاص كان هيوقع على العقود الخاصة بتجديد عقده مع الزمالك قال فجأة للمستشار مرتضى منصور معلش أنا كنت واعد أمي إني امضي العقد معاها وقتها قولتلهم في حاجة مش مظبوطة».

وأوضح: «لو فعلا سيف راح بيراميدز بالتوفيق انت الخسران، سيكون الخاسر الوحيد أنا كنت عايز سيف يكون صريح بس مع الزمالك وانا مش زعلان من سيف أنا زعلان عليه».

ميدو يوجه تحية خاصة لفاروق جعفر ورسالة للساخرين منه: خلوا عندكم رحمة

كما وجه أحمد حسام ميدو تحية خاصة لفاروق جعفر نجم الزمالك السابق بعد تصريحات الأخير عن نجله سيف جعفر خلال أزمة تجديد عقد اللاعب مع الزمالك.

وزاد: «فاروق جعفر في موقف صعب خلوا عندكم رحمة، ابنه بيكبر وهو مش حواليه وكل الناس عارفة إن في مشاكل بينه وبين سيف جعفر».

وأردف: «بوجه تحية خاصة لفاروق جعفر على تصريحاته الإيجابية تجاه نادي الزمالك رغم صعوبة موقفه».

وأتم: «بالنسبة للناس اللي بتتريق، بدل ما الناس يبقى عندها رحمة وتقول ربنا يكون في عونه تلاقي الناس داخلة تتريق ولو شوفتوا تعليقات الناس تحزنوا على حالنا».