دونجا يحسم جدل رحيل أحمد فتوح بعد أنباء اقترابه من الأهلي

كشف نبيل عماد دونجا، لاعب وسط نادي الزمالك، أن زميله بالقلعة البيضاء أحمد فتوح سيستمر مع الفارس الأبيض ولن يرحل لأي فريق داخل مصر.

وقال دونجا في تصريحات تليفزيونية: «أحمد فتوح زملكاوي جدا وشاري النادي وناوي يكمل عنده مشاكل شخصية بيحلها مع إدارة النادي وده اللي بيحصل مع أي لاعب لو عنده أزمة بيحلها مع الإدارة بشكل طبيعي».

دونجا: بالنسبة لي فتوح هيكمل وبيحب جمهور الزمالك 

وأكمل: «بالنسبة لي هو هيكمل بيحب جمهور الزمالك والعكس وهو بيقدر ده ومش باصص لأي حاجة غير إنه يكمل وزيزو هيكمل برضه متمسك جدا بده الاتنين مكملين وصعب ينضموا لأي نادي في مصر تاني غير نادي الزمالك، أطمئن جماهير الزمالك مليون% فتوح مكمل في نادي الزمالك وده اللي شايفه في خارج الملعب وداخل الملعب وجاءت له مغريات كتيرة جدا ولكن هو مركز مع الفريق».

وكانت تقارير عدة ربطت اسم أحمد فتوح بالنادي الأهلي من أجل الانضمام له خلال فترة الانتقالات الشتوية في ظل تراجع نسبة استمرار التونسي علي معلول رفقة النادي الأهلي، ما سيتسبب في بحث المارد الأحمر عن بديل التونسي.