حازم إمام ينتقد لاعب الزمالك: «أنت مش بتلعب نهائي كأس العالم»

انتقد حازم إمام، نجم نادي الزمالك السابق، لاعب الفريق أحمد شريف، بسبب لقطة خلال مباراة ديكيداها الصومالي، في إياب الدور التمهيدي لبطولة الكونفدرالية، في اللقاء الذي انتهى بفوز الفارس الأبيض بهدف دون رد.

وقال حازم إمام خلال تحليله مباراة الزمالك وديكيداها، عبر قناة «أون سبورت»: «أحمد شريف لاعب حماسي وكويس، لكن أخطأ في الكرة اللي حاول فيها حتى لا تخرج لضربة مرمى، ليخرجها لرمية تماس وتسببت في إصابته، وخروجه من المباراة، ليه تعمل كده، ممكن يتسبب في إصابة ليك قوية من مزق خفيف لإصابة قوية جدا، أنت مش بتلعب نهائي كأس العالم، يعني ما تطلع الكورة ضربة مرمى إيه المشكلة في كده».

حازم إمام يهاجم لاعبي الزمالك

وواصل حازم إمام هجومه على لاعبي الزمالك، بسبب الفوز بهدف فقط أمام فريق متواضع، قائلا: «مش شايف حد عمل حاجة كبيرة في المباراة، ولا استغل مباراة زي دي بتلاعب فريق محدود الإمكانيات جدا، كان لازم تبين إنك عندك حاجة مختلفة، خاصة إنك مش بتلعب كتير، وهنا الكلام بشكل كبير عن اللاعبين اللي مش بتلعب كتير، وشاركت في مباراة اليوم».