08:25 ص | الأربعاء 25 أكتوبر 2023
سيف فاروق جعفر
كشف محمود فتح الله المدرب العام ببيراميدز موقف النادي من رحيل يوسف أسامة نبيه وسيف فاروق جعفر خلال الانتقالات الشتوية المقبلة على سبيل الإعارة بعد ابتعادهما عن المشاركة خلال الفترة الحالية.
وقال فتح الله خلال تصريحات تليفزيونية: « ما يتم ترديده ليس صحيح وغير مطروح بالمرة، إحنا لسه بادئين موسم ويوسف وسيف لاعبين كبار وعندهم مستقبل كبير، لسه الكلام ده بدري جدا عليه، عندنا ثقة فيهم بلا حدود 100% وعدم مشاركتهم وجهة نظر فنيا بشكل كامل».
فتح الله: النادي وفرلنا احتياجاتنا بشكل كامل
وبسؤاله عن هل يخطط النادي لضم حمدي فتحي رد قائلًا: «حمدي فتحي مهم جدا لأي نادي ولكن فريقنا محترم وكل المراكز الحمد لله مليئة بالنجوم والنادي قدر يوفرلنا قائمة كبيرة جدا واللي كنا محتاجينه بالفعل ضميناه، اللي يهمنا دلوقتي اللي موجودين، إزاي أفكر في صفقات وأنا عندي لاعبين لم يشاركوا في المباريات وفيه زحمة في مراكز كتير عندنا، عمرنا ما هنفكر في لاعبين وإحنا لسة بنبتدي موسم جديد».