الزمالك يتلقى عزاء محمد صبري فى الحامدية الشاذلية اليوم

يتلقى نادي الزمالك اليوم الأحد واجب العزاء في الراحل الأسطورة محمد صبري بمسجد الحامدية الشاذلية بحضور نجوم الكرة المصرية ويتصدرهم نجم وقدامى نادي الزمالك.

وكان محمد صبري رحل بعد أزمة صحية مفاجئة تسببت في إخلال التوازن له ودخوله في جدار بسيارته أثناء سيره على طريق التجمع خلال عودته لمنزله. 

آدم صبري يودع والده برسالة مؤثرة

وودع آدم صبري نجل الراحل الأسطورة محمد صبري والده وكتب عبر صفحته فيس بوك :  بسم الله الرحمن الرحي رسالة إلى عزيزي وحبيبي و أعز ناس لقلبي مع أمي صحبي و أخويا و أبويا كنت يا حبيبي في كلام اكتر حد ناس بترتاح لي كنت حد كويس أوي و بشهادة كل ناسليا كتير معاك حلو كتير أوي.

وتابع: يوم ما رحت السعودية رجعت البيت انهرت من العياط و كنت زعلان جدا عشان هتفارقني و ماما كلمتك ڤيديو و قلت ليا أنا عمري ما هبعد عنك يوم ما رجعت و كنت جايب ليا جزمة فرحت بيها فرحة عمري مهنساها  ويوم ما كان عندي ماتش كورة في مدرسة نزلت معايا مخصوص جبتلي جزمة رمادي مكنتش موافق البس ستارز عشان خايف على ركبي.

وتابع: كنت ديما لما حد يتعب تزعل و تتعب و تلغي كل حاجة عشان تقعد معاه يوم ما روحت أول ماتش ليا في الاستاد ماتش زمالك و الأهلي مع مستر مازن عشان انت كان عندك شغل و بكلمك أنا و آسر ما بين الشوطين نقول ليك اننا كسبانين ١-٠ و الفرحة الي كنت فينا و انت بتهنينا.  

وأكمل: كل يوم لما نرجع من مدرسة و نقعد نتكلم عن ريال و برشلونة و تقعد تتريق عليا بسبب خسارة و نضحك و نهزر طول الطريق و تقول ليا مخترع الاسبان و أنا بحاول اطلع ليك اسبان من ريال يا حبيبي وتنزل من البيت مخصوص مدينة نصر تجيبني بعديها تروح التجمع نجيب أخواتي من مدرسة بعديها ترجع مدينة نصر تودينا تمرين و بعديها تروح البيت لوحدك.

وأردف: آخر حاجة يا راجل يا جدع إنك مردتش توديني نادي قوي و مشهور و مردتش تودينا أنا و أخويا آسر بيتك اللي هو نادي الزمالك وقلت لولدتي مش هيروحو نادي ولا هيلعبوا هناك غير لما يكونو قد الفانلة البيضة لأنها تقيلة مش لأي حد وربتنا على الأصول و الجدعنة الرجولة و كل الصفات الحلوة اللي فيك يوم ما طلبت منك أجيب القطة وافقت عشان تبقى زي حسانات دخلة لينا وسمتها أنت بسبوسة و إنك كنت قريب ليها و بتميزك عن الكل يا حبيبي.

وأختتم: سيبتلي مسؤلية كبيرة أمي حبيبتي اللي هحافظ عليها زي ما أنت وصيتني و الوصية إني أكون مع اخواتي هنفضل مع بعض و بقيين على بعض زي ما أنت طلبت كان نفسك تروح لمامتك و حماتك و اللي هما جدتي الاتنين أكتر ناس حنو عليا اديك رحت ليهم يا حبيبي و اتخطفت مننا والمسيرة الحلوة اللي انت اتظلمت فيها هتعود و هتعب واشقى أنا و اخواتي الثلاثة عشان سيرتك وسط ناس تبقى كويسة زي ما هي يا حبيب قلبي  لو فضلت أتكلم فيك لحد ما أروح ليك مش هخلص يا حبيب قلبي تستاهل كل خير أرجو الدعاء له بالرحمة و المغفرة مع سلامة يا أغلى راجل عرفته في حياتي يا قدوتي.