أول تعليق من حسين الشحات بعد الفوز في الديربي أمام الزمالك: تعاهدنا على المكسب

بعد نهاية مباراة ديربي القاهرة بين الأهلي والزمالك التي شهدت تألقًا لافتًا من اللاعب حسين الشحات، وجه الشحات رسالة خاصة لجماهير النادي الأهلي واللاعبين.

حسين الشحات: كنا نقدر نجيب تالت ورابع النهاردة، بس ربنا مأرادش

وقال الشحات: «مبروك لجمهور النادي الأهلي ولاعبي النادي الأهلي، ومبروك لكابتن ياسر إبراهيم اللي مفرحنا وعازمنا ومجمعنا السالك النضيف اللي جمعنا كلنا في عزومة قبل الماتش وقالنا إن شاء الله هنكسب لأننا مع بعض وقريبين من بعض.»

وأضاف حسين الشحات: «احنا في العزومة دي اتعاهدنا إننا هنكسب، والكل اتكلم: الشناوي، تريزيجيه، زيزو، إمام، وكل اللاعبين بعتوا لنا، كلهم قالوا يا رجالة دي ماتشات لاعيبة النادي الأهلي، وده اللي حصل الحمد لله.»

وتابع: «كنا نقدر نجيب تالت ورابع النهاردة، بس ربنا مأرادش. وأنا مبسوط جدًا بجايزة رجل المباراة. واللاعبين الكبار بتبان في الماتشات الكبيرة، وكلنا مش حسين بس الـ 11 لاعب بالتبديلات كلهم مان أوف ذا ماتش.»

يُذكر أن المباراة انتهت بفوز الأهلي وسط أداء قوي وتنظيم مميز من الفريق الأحمر، والذي ظهر فيه روح الوحدة والانسجام بين اللاعبين، وهو ما أكده الشحات في كلماته التي لاقت تفاعلًا واسعًا بين جماهير الأهلي.