كشفت المطربة ياسمين علي عن تفاصيل مكالمة أجرتها للفنان عمرو مصطفى، وذلك عبر حسابها على موقع التواصل الاجتماعي «فيس بوك».
مكالمة هاتفية من ياسمين علي لعمرو مصطفى
وكتبت ياسمين علي: «من قريب جه علي بالي، وفضلت جوايا عايزة أكلمه، وأسال عليه بشكل غريب، كلمته وفضلت أطمن عليه وفي آخر المكالمه لقيته بيقولي إنه عنده ورم وهيعمل عمليه، وبجد كأن حد دلق عليا مية ساقعة، فضلت أقوله بأمر الله هتعدي وهترجع أحسن من الأول وهتكسر الدنيا، وقفلت ومرضتش أقول لحد ولا أكتب لأني شوفت أنه ما أعلنش ده واحترمت سكوته».
وتابعت: «حسيت إنه عايز يعدي المحنة دي من غير ما حد يحس بوجعه، ومن غير دوشه، يا رب احفظه ولشفيه ويعديه منها على خير ويرجع لأهله وأولاده ولجمهوره بكل صحه وعافية، ويقوم بالسلامة يا رب، من فضلكم ادعو للغالي عمرو مصطفى».
الفنان عمرو مصطفى يجري عملية جراحية بعد إصابته بالسرطان
وكان عمرو مصطفى، أجرى عملية جراحية خلال الساعات الماضية، بعد اكتشاف إصابته بمرض السرطان، وتكللت بالنجاح، وهو الآن بحالة صحية مستقرة.