أعرب المايسترو ناير ناجي عبر حسابه بموقع التواصل الاجتماعي «فيسبوك»، عن سعادته بالمشاركة في حفل مغني الراب مروان بابلو والذي رفع شعار كامل العدد.
وكتب ناير ناجي قائلا: قالولي جمهور الراب صعب وبيشتم وممكن يبقى عنيف لو فيه حاجة مش عاجباه.. طب أحب أقولك أن من إمبارح وصلي مئات من ألطف وأرق الرسايل اللي جتلي بعد أي حفلة خلال 32 سنة في المزيكا، من غير إطراء مبالغ فيه ولا خبث زي بتاع عالم الكلاسيك بتاعنا، شباب صغير جميل ومعبر وكلام حقيقي من القلب بيتحس من أول حرف.
واختتم قائلا: شكرا يا مروان على الجمهور اللي بيحبك واللي بتعبر في أغانيك عن واقعه اليومي ومشاكله وصراعاته من غير تجميل.. وعلى فكرة.. شكرا على آلاف المتابعين الجداد عندي، مش عايز تسلفنا شويه كده للكام حفلة اللي جاية.
تعاون مروان بابلو مع ناير ناجي
وقدم مروان بابلو بالتعاون مع المايسترو ناير ناجي خلال حفله الأخير عددًا من أغانيه الشهيرة على مزيكا الأوركسترا والتي كان من بينها المبدأ والتي تفاعل معها الجمهور بشكل كبير.