يقام حاليا المؤتمر الصحفي، الخاص ببطولة MMA QADYA، التي ستقام ضمن فعاليات مهرجان العلمين الجديدة، بحضور ابراهيم عبد الجواد، المتحدث الرسمي باسم المهرجان، ومصطفى القاضي مؤسس بطولة MMA QADYA، وطارق شرف مدير الأنشطة الترفيهية في المهرجان.
وقال ابراهيم عبد الجواد، خلال المؤتمر: «منورين الدنيا في مهرجان العلمين الجديدة 2024، أنا مبسوط جدا بمشاركتي في هذا الحدث لأنه مليء بكم أحداث إيجابية».
حماس للبطولة
واضاف: «أكتر حاجة حلوة في مهرجان العلمين انه في كمية تنوع غير طبيعي، عشان الناس كلها تقدر تلاقي اللي بتدور عليه، وأنا اتفاجت بارقام بطولة MMA، يمكن مكنتش أعرف عنها كتير، بس لما عرفت بقيت متحمس أشوف بكرة النزالات».
وقال ابراهيم عبد الجواد، خلال المؤتمر: «واحد من أجمل الحاجات الحلوة في مدينة العلمين الجديدة، هو وجود سياح أجانب من جنسيات مختلفة، ولما بقابلهم بسألهم عن المدينة بيبقوا مبهورين بالمكان، وأظن دا أحسن شكل تسويقي لما الأجنبي ده يرجع بلده ويحكي على اللي شافه».
مهرجان العلمين
وأضاف: «الفعاليات هيتم تسويقها عن طريق السوشيال ميديا، والأذرع المملوكة للشركة المتحدة للخدمات الإعلامية، كمان البطولة هيشارك في جنسيات مختلفة، فبالتالي جمهوره في هذة البلدان هيتفرج عليه ويشوف المكان والمهرجان، وهذه اللعبة لها شعبية كبيرة حول العالم، واتفاجت بوجود ملايين مقاتلين في مصر».