علاقات و مجتمع
شاءت الأقدار أن تحرم 4 أولاد من حضن أبيهم في سن صغير، لكنها عوضتهم خيرا برجل تزوج من والدتهم، وأعطاهم الحنان والعطف، وتصرف معهم بغريزة الأبوة، كما لو أنهم أولاده بحق.
محمد بطل قصة اليوم، تزوج من أميرة التي رحل عنها زوجها، تاركا 4 أبناء تتولى مسؤوليتهم بمفردها، بعد أن أحبها وتعهد لها أن يراعي أولاده كما لو كانوا من صلبه.
قصة حب محمد وأميرة
8 سنوات تفاني وإخلاص ورعاية وما زالت مستمرة، عاشتها أميرة وأولادها مع محمد بعد زواجهما، إذ عبرت «أميرة»، قائلة: «أنا مش هقول أنا تعرفت عليه إزاي، أنا هقول تعرفنا كلنا عليه إزاي، لأني أنا متعرفتش عليه لوحدي، أنا كنت أرملة ومعايا 4 ولاد، أخدنا مع بعض، وبقينا قلبنا على بعض، ومعانا في كل خطواتنا» لـ«الوطن».
وعن تفاصيل قصة الحب التي جمعتهما، قالت: «واحدة صحبتي عرفتنا ببعض لما نزلت من السعودية، هو من بورسعيد وأنا من إسكندرية، ومكانش في دماغي إني أتجوز نهائي، لأني عارفة أن صعب جدًا ألاقي حد يعوض ولادي عن أبوهم، لكن بعد ما عرفنا بعض عرفت أنه فعلًا مختلف، وإتجوزنا وهو أكتر إنسان حنين شوفته قرب من الولاد وبقوا جزء منه، مبيستحملش عليهم أي حاجة».
أميرة: «الداعم إللي عمره ما ظلم»
وبدموع الحب عبرت «أميرة»: «حصل بينا توافق لقيت أنه شخص هيعدي معايا كل التحديات، وإنه هو الدعم والسند، دخل حياتهم وهما صغيرين هون موت أبوهم إللى توفى وأصغر طفلة عندها 11 شهر، هو أكتر داعم ليهم وواقف في ضهرهم في كل حاجه، فعلًا خير عوض من ربنا ليا وليه، يارب دايمًا مجمعنا على خير».
