ميمي جمال تكشف عن أعمالها الجديدة وتفاصيل دورها في “سفاح الجيزة”

10:56 م


الأربعاء 23 أغسطس 2023

كتبت- شهد القاضي:

تحدثت الفنانة ميمي جمال، عن تفاصيل أعمالها الفنية الجديدة، ودورها بمسلسل “سفاح الجيزة”.

وقالت ميمي، ببرنامج “تفاصيل” : “مبسوطة إني هشتغل مع كريم عبد العزيز في (الحشاشين) لأني بحبه أوي، ودلوقتي بعمل فيلم اسمه (أنا وإبن خالتي) أنا وبيومي فؤاد وانتصار وصلاح عبد الله ومعايا مجموعة جميلة والفيلم جميل ودمه خفيف”.

وعن دورها بمسلسل “سفاح الجيزة”، تابعت: “مش عايزة أحرق بس أنا طالعة عمته في المسلسل وهنشوف بقى السفاح بيعمل إيه مع عمته اللي المفروض هي عشرة عمره، لكن هو سفاح برضوا”.

وبخصوص تجرتها مع أحمد فهمي، أوضحت: “أنا بحب أحمد أوي أصلا، هو إنسان طبيعي، ولما بيعمل دور بيعمله كما يجب أن يكون، وده عامله في شخصية (السفاح)”.

وعن نجوم الفن التي تتواصل معهم، أضافت: “رانيا فريد شوقي بتسأل عليا، وصابرين، وصفية العمري.. وبسأل على نجوى فؤاد عشان كانت تعبانة من فترة، وفيفي عبده حبيبتي ربنا يديها الصحة أنا بحبها جدا، وجميلة وطيبة وكريمة”.