04:27 م
الأربعاء 06 سبتمبر 2023
كتبت نوران أسامة:
عبرت الفنانة دانا حمدان عن استيائها بسبب سرقة أحد الأشخاص فكرة برنامج خاص بها.
ونشرت دانا منشورًا على حسابها الرسمي بموقع “فيسبوك” و “إنستجرام”.
وكتبت: “كنت بحضر من سنة حلقات لـ برنامج يجمع الفنانين بحيواناتهم الأليفة بحكم حبي للحيوانات، وطبعا قولت الفكرة لكذا حد بحكم التحضيرات، وللأسف حصلت ظروف خلتني مش عارفة أعملها”.
وأردفت: “ودلوقتي حد أنا هقول سرق الفكرة مش صدفة وعملها على موقع معروف وبقول سرقها علشان أنا متأكدة بشك كامل بل واثقة ثقة عمياء إنهم ماكنوش هيفكروا بالفكرة دي ولا بعد سنين ضوئية”.
وأكدت دانا، أن الفكرة كانت لديها من سنتين وقالت: “والفكرة عندي من سنتين و عرضتها على سبونسرز كتير وطبعا اتقال ليا مش هتنجح”.
اختتمت دانا حديثها: “الجدير بالذكر أنه تم التواصل مع كل الفنانين اللي بيحبوا الحيوانات علشان يكونوا ضيوف معايا وكلهم مهتموش ومافيش حد دعم الفكرة ولا واحد ومنهم طبعا اللي تجاهل ومردش فـ بقولهم كلهم شكرًا، بس أنا عارفة ليه مش هتنجح معايا علشان أنا دانا لوحدي مافيش زيد وعبيد وغيره يسند ويدعم ويخليها تنجح”.
يذكر أن دانا حمدان قد تعرضت الشهر الماضي لوعكة صحية دخلت على إثرها إحدى المستشفيات لتلقي العلاج