خالد يوسف عن الإخوان: “من أول ما مسكوا وأنا عارف إن النظام ده إلى زوال”

04:14 م


الإثنين 05 يونيو 2023

تحدث المخرج خالد يوسف، عن فترة 30 يونيو وعن نظام الإخوان والحالة النفسية السيئة التي تعرض لها خلال فترة حكمهم وعلى تنبؤه بعدم استمراريتهم للحكم.

وقال خالد يوسف، ببرنامج “الشاهد” على قناة”اكسترا نيوز”: “نفسيا كان في دمار شامل ومرارة .. منساش إحساس لما كنت بسمع في الراديو صرح رئيس الجمهورية محمد مرسي بلاقيني مضايق.. واللي خلاني عايش لغاية 30 يونيو ومجاليش نقطة ومموتش فيها إني مسكتش من أول لحظة وطلعت بعد أسبوع من تولي مرسي مع طوني خليفة وقولت أتحداك وهما جايين حبة قد كده وماشيين.. و 30/6 اللي جاي ده لو مرسي على الكرسي أنا هبطل أتكلم في السياسة والإخراج وبنيت ده على إحساسي وده موثق وموجود ومذاع”.

وأضاف: ” كان عندي قناعة إن دول جسم غريب هيلفظه المجتمع.. وإن مهما عملوا مش هيقدروا يكملوا .. هم ماشيين بمبدأ السمع والطاعة عشان كده عمر ما هيكون عندهم مبدعين .. لما ترتضي لنفسك سمع وطاعة يبقى لا يمكن تكون مثقف أو فنان عشان كده عمرهم ما كان عندهم حد عظيم”.

جدير بالذكر أن المخرج خالد يوسف عُرض له مسلسل “سره الباتع” ضمن السباق الدرامي لرمضان 2023.

المسلسل بطولة أحمد فهمي، أحمد صلاح السعدني، هالة صدقي، خالد الصاوي، حسين فهمي، ريم مصطفى، حنان مطاوع، أحمد صفوت، منة فضالي، عمرو عبدالجليل، أحمد وفيق، ميدو عادل، إسلام حافظ، مصطفى درويش، والمسلسل مأخوذ من نص أدبي للكاتب الراحل يوسف إدريس.