جيهان قمري: ندمانة إني اتجوزت ومطلعش راجل بمعنى الكلمة”

11:26 م


الخميس 15 يونيو 2023

كتب- مصراوي:

تحدثت الفنانة جيهان قمري عن طليقها وكشفت عن أسباب الطلاق، وأنها تعرضت للعنف منه، مشيرة أنه قام بالتعدي عليها بالضرب.

وقالت في برنامج قعدة ستات الذي تقدمه المذيعة مروة صبري على قناة اليوم: “كانت تجربة وحشة وندمانة عليها .. معرفش المشكلة فين بس هي كانت تجربة سيئة جدا وخلتني أقفل من الجواز خالص للأسف، أنا أي حاجة بتوجعني أو بحس إنها ممكن تكسرني بتقويني أكتر بتخليني أرجع أعيد حساباتي تاني وأبص للحكاية من منطلق تاني خالص”.

وأضافت: “أنا كنت متجوزة جواز مدني، وقررت اتطلق وانهيت كل أوراق الطلاق ومعي كل الأوراق، ولغاية النهاردة هو ممعهوش ورقة تثبت إننا اتطلقنا.. عالورق قعدنا مع بعض 6 شهور وفي الحقيقة قعدنا 3 شهور بس.. ومطلعش راجل بمعنى الكلمة”.

واستكملت: “الراجل اللي يمد إيده على ست ويطلع نقصه عليها مقدرش أقول عليه راجل ولا أقدر أكمل معاه الحياة مش مستاهلة مفيش حاجة تخليني أكمل .. مد إيده عليا تلطيش بس مش عايزة أتكلم عديها .. هبقى كدابة لو قولت إن الموضوع مأثرش فيا لا أثر فيا وعلمني كتير ضربني قلم فوقني اللي هو إيه ده أنا رايحة فين لا خلاص كده خلصت مش عايزة أروح أقسام .. هو مكنش معاه فلوس واللي هو كان قايله غير اللي اكتشفته”.

يذكر أن أخر أعمالها الفنية هو مشاركتها في مسرحية “نجوم الظهر” مع الفنان الكبير محمد صبحي والمسرحية من تأليفه وإخراجه.