جيهان قمري: “كلها دلوقتي بقت شلالية ولست مزيفة”

11:01 م


الخميس 15 يونيو 2023

كتب- مصراوي:

كشفت الفنانة جيهان قمري سبب ابتعادها عن التمثيل الفترة الأخيرة، وذلك خلال استضافتها في برنامج “قعدة ستات” المعروض على قناة اليوم وتقدمه المذيعة مروة صبري.

وقالت: “أنا بره الوسط الفني دلوقتي فعلا .. أنا بقالي 4 سنين مشتغلتش دراما خالص ومسرح اشتغلت مع أستاذ محمد صبحي من سنتين بس .. الناس بتتفاجئ وتفضل تقولي هو إنتي هنا؟ بقولهم يعني إيه أنا هنا دي انا على طول عايشة في مصر مش عايشة في حتة تانية”.

وأضافت: “هما بعدوا عني عشان أنا مش مزيفة مبعرفش أقول لحد إنت حلو وحبيبي وأخده بالحضن، أنا مش كده أنا حد بيدي في الوش ورغم كده أنا بقالي 20 سنة في الوسط الفني وعمر ما حد زعل مني لأني بخلص شغلي وبروح.. ومعايا أرقام كل الفنانين بس عمري ما اتصلت بحد طلبت منه .. هي دلوقتي كلها بقت شلالية يعني كل شلة بتشتغل مع بعض على طول”.

يذكر أن أخر أعمالها الفنية هو مشاركتها في مسرحية “نجوم الظهر” مع الفنان الكبير محمد صبحي والمسرحية من تأليفه وإخراجه.