علاقات و مجتمع
لا تزال مدربة الأسود الشهيرة فاتن الحلو تعاني من وعكة صحية رقدت بسببها على سرير العناية المركزة بالمستشفى الإيطالي تنتظر معجزة، بعدما فقدت الكثير من وزنها، وأصبحت لا تقوى على حمل جسدها الذي أنهكه المرض وتمكّن منها على مدار أيام طويلة.
تطورات الحالة الصحية لمدربة الأسود فاتن الحلو
تطورات الحالة الصحية لـ فاتن الحلو، يكشفها أحمد عمرو ابن شقيقة مدربة الأسود في تصريحات خاصة لـ«هن»، إذ يقول إنّها خرجت من العناية المركزة قبل يومين، إلا أنّ حالتها الصحية لا زالت غير مستقرة، وربما استدعى الأمر العودة مرة أخرى إلى العناية: «أنا أخدتها ورجعنا البيت بالفعل بعد ما قعدت شوية في العناية المركزة ولكن حصل تعب تاني وشكلنا هنرجع للمستشفى».
ويقول «أحمد» إنّ الحالة الصحية لفاتن الحلو غير مستقرة، ولا تزال تعاني من تذبذب في ضغط الدم ونسبة السكر في الجسم بين ارتفاع وانخفاض مفاجئ، وهو ما يقف عائقًا أمام الأطباء في إجراء المسح الذري حتى يتم تحديد المرض الذي تعاني منه بشكل محدد: «الحالة لسه مش مستقرة والضغط بيوطي فجأة والسكر لسة مش مظبوط، والدكاترة مش عارفين يعملوا مسح ذري بسبب إنّ الحالة مش مستقرة».
وخلال الفترة التي تواجدت بها فاتن الحلو داخل غرفة العناية المركزة، كانت تتلقى بعض المحاليل والعلاجات في محاولة لضبط نسبة السكر في الجسم ولكن دون جدوى بحسب نجل شقيقتها: «هي صحيًا لسة تعبانة وواعية ولكن ساعات بتغيب عن الوعي لكن مش وقت طويل وده لما بيحصل هبوط جامد في السكر، ولسة رجلها مبتقدرش تدوس عليها والسكر عملها التهابات جامدة في الأوعية الدموية في الرجل».
فاتن الحلو في انتظار إجراء المسح الذري
ويقول «أحمد» إنّ الأطباء لا يزالون يجهلون طبيعة مرض فاتن الحلو بشكل مؤكد، وينتظرون إجراء المسح الذري الذي يستلزم انتظام نسبة السكر في الجسم دون تذبذب: «الدكاترة بنسبة كبيرة شاكين إنّ فيه مشكلة في البنكرياس، والمسح الذري لازم السكر يكون مظبوط خلال 48 ساعة، ومبيعديش 4 أو 5 ساعات بس مظبوط».
وأضاف نجل شقيقتها: «احنا كل اللي بنحاول نعمله أننا نشوف السبب الرئيسي اللي عامل كده، وهم شاكين أنّ فيه مشكلة كبيرة في البنكرياس لأنه المسؤول عن السكر، فلما يكون مش شغال بشكله الطبيعي معناه أن فيه مشكلة كبيرة سواء أورام أو غيره وده هيبان بالمسح الذري اللي احنا مش عارفين نعمله، ولازم تتنقل مكان تاني بعربية إسعاف لأنّها بتهبط في الطريق».