02:18 م
الإثنين 10 يوليه 2023
كتب- هاني صابر:
رد المطرب تامر عاشور، على المطرب والملحن عمرو مصطفى بعد تصريحاته الأخيرة بأحد البرامج التليفزيونية.
وكتب تامر، عبر حسابه على تويتر، ردا على عمرو مصطفى، قائلا: “أغنية “الرك على النية” ألحان عمرو مصطفى وفي اي حفلة ومكان بقول كده – والملحن اللي باعهالي”المُقتَبِس الحقيقي”. عمرو مصطفى مجبش سيرته نهائي مش عارف إزاي مع أنه عارفه من ٨ سنين لما قفلنا الموضوع ده “أنا وهو ” في مكالمتنا مباشرة – وبعدين أنا مالي ده صِراع
مُبدعين ويقدر ياخد حقه قانوني ويوقفها محدش منعه، أنا أداه على كلامه” .
وتابع: “ده غير إن الاستعانه بعمرو مش صعبة واشتغلنا مع بعض أغنيه “انطق” – كل الحكاية انه معرفش يجاوب على السؤال “الصناعة انهارت إزاي وأنت عمود من عمدان
الصناعه ؟ السؤال اللي مش هتلاقي له إجابة مهما توّهت الناس اللي كلهم قالولك أنك مجاوبتش بمنتهى الوعي.. وأنا الحقيقة كنت مُنتظر إجابتك علشان أقولك
الصناعة فيها كام عمود غيرك وكام مُطرب عمل تاريخ وعلامات من غيرك ومنهم أنا، وكام مُلحن وشاعر وموزع اشترك في نجاح مطربين واعلانات وتترات وكل حاجه حصلت عادي بدونك”.
واستكمل: “اني احترمتك أو على حد قولك ان تامر وهو بيكلمني “كان واقف كدهو ” طبعا احترمك واقدّرك انت استاذ كبير بس قلّيت في نَظر تلميذك لما اتكلمت في التلفزيون عن ان فيه حد عموما احترمك وكأنه حدث جلل لأستاذ كبير زيك في النهايه انت مُلحن كبير مقاما وفنّا وإضافه لأي مُطرب غيري – هي الظروف حكمت كده ولا تاريخي فيه عمرو ولا تاريخك العكس صحيح”.
وأردف: “مش هفوت الفُرصه دي إلا وأشكر كل الفنانين الكِبار المصريين المبدعين شعراء ملحنين موزعين اللي اتشرفت بالعمل معاهم على مدار ٢٠ سنه واكتر من ٦٠٪ منهم دم جديد بدون إدعاء ولا نَسب افضال كاذبه لنفسي لأنهم فنانين كِبار مقاما وفنّا وحطوني في مكانه انا مكنتش احلم بيها وسط الجمهور العربي كله اللي بنحاول نقدمه ابداع حقيقي مهما ذادت بنّا المناواشات الوارده التي لا تتخطى حاجز الأدب والصداقه والمحبه والود ولمصلحه نجاحنا واستمراريته بفضل الله ثُم فضلكم — اشكر اعظم فرقه موسيقيه بشتغل معاها جوه وبره مصر اللي بيخلوني قادر على “التصدير الدائم والمختلف ” للفن المصري الرائع بحضوري كفرد من تلاميذ لأساتذه كبار حقيقيين”.
وأضاف: “أشكر (مصر) حبيبتي فعلا بدون إدّعاء ولا مُذايده ولا حتى اغاني – جمهورها اللي على كل الاذواق اللي بيسمعوا كل حاجه وكل لون وكل خَبط ورزع وفي الآخر ياخدوا الحلو ويعيش معاهم ويصدروه – ويرموا الوحش وباب النجاح لأي فنان عربي — أشكر بلدي السعوديه وجمهورها اللي ضاف لتاريخي واسمي وتشكيل كيان محترم لحفلات عالميه حرفيا ومش من مره واحده بدأت هناك خطوات ومجهود وتعب ومُسانده وهكذا .. إلى أن تمت النجاحات الكبيره الحمد لله ومنها الى كل الدول العربيه اللي اعشق جماهيرهم وحبهم للفن المصري . عموما الموضوع كبير قوي يا استاذ عمرو تيجي حضرتك في الآخر تقول عليا اني مثل حي لإستباحه جُمل لحنيه لناس عايشه بالباطل وعايز بعيونك الحلوه دي تشوف خير في الصناعه”.