بيومي فؤاد يرد على جماهير الزمالك: “امتى هتقولوا اتغلبنا عشان وحشين ؟”

10:03 م


السبت 15 يوليه 2023

كتب- مروان الطيب:

حل الفنان بيومي فؤاد ضيفاً على برنامج “حضرة المواطن” تقديم الإعلامي سيد علي ويعرض على قناة “الحدث اليوم” وتطرق خلاله لرأيه في مباراة الأهلي والزمالك والتي أقيمت يوم الخميس الماضي ضمن مباريات الدوري المصري العام وانتهت بفوز النادي الأهلي برباعية مقابل هدف وحيد.

وتطرق “بيومي” في حديثه عن جماهير نادي الزمالك وإلقاء البعض اللوم على أسباب واهية أدت إلى خسارتهم أمام نادي الأهلي وعدم اعتراف الكثير منهم بأن أدائهم كان دون المستوى وعدم تعليق مبرراتهم على شماعة النادي الأهلي.

ورد “بيومي” قائلاً: “عمري ما غلطت ولا قليت أدبي على جماهير نادي الزمالك، أنا ربنا خلقني أهلاوي إيه المشكلة، الزمالك لو اتغلب من ريال مدريد هيدوروا على أي حاجة غير أنهم كانوا وحشين في الملعب”.

واستكمل: “شيكابالا قال لعمرو أديب قبل كده لو كورة هناخد الدوري، يعني إيه كورة هو احنا بنلعب بلي، امتى هيقولوا انكم اتغلبتوا عشان وحشين واللي قدامكم كانوا كويسين”.

مضيفاً “هم الما بيخسروا بيعلقوا شماعات ومبررات للخسارة منها الظلم التحكيمي وجو المؤامرات والسحر، وهناك أمور أخرى كانت السبب وراء الخسارة لابد من الزمالك الوقوف أمامها والاعتراف بالتقصير والمشاكل، اشمعنى احنا كلامنا اللي بيبقي مر ولو الزملكاوي شتم وقل أدبه يبقى كويس”.