10:08 م
الثلاثاء 11 يوليه 2023
كشفت الفنانة عايدة رياض حقيقة قضيتها التي اتهمت فيها بإعطاء 100 دولار مزيفة لإحدى السيدات.
وقالت خلال لقائها ببرنامج واحد من الناس مع الإعلامي عمرو الليثي المذاع عبر قناة الحياة: “جم البيت وقابلوا محرم وقالوله في بنت بتقول إنها معاها 100 دولار ومزيفة وبتقول إنها واخداها من مدام عايدة رياض .. فمحرم صدق ونزلنا روحنا هناك.. دي القصة كلها، إنما اللي بيضايقني بقى إني بلاقي عالسوشيال ميديا حاجات بتقول ده جايبنها من فيلا وحاجات رهيبة جدا جدا.. أنا معرفش مين اللي ورا الموضوع، لما وصلنا هناك محرم اتفاجئ من مكالمة من الست مرات المخرج دي مكالمة واحدة بس قالتلي ازيك يا عايدة؟ أنا مرات مخرج وبس كده”.
وأضافت: “وحاجات القواضي ديه بيبقى فيها شهرين مراقبة وبتتجدد شهرين مراقبة .. أنا وقتها مكنتش حاسة بالدنيا أصلا .. ده مش ظلم بسيط إنك تتاخد من هنا لهنا وانت في بيتك ازاي يعني؟ حاجة برضه مش سهلة ومكنتش عايزة أطلع أقول أنا مظلومة أنا بريئة أنا مبحبش أعمل كده”.
وأردفت: “الناس بيبقى ليها أعداء كده لوحدك من غير أي حاجة في غيرة كده .. بس أنا الحمدلله عندي رضا وعندي ثقة ومحرم فؤاد اتخانق خناقة كبيرة مع الظابط وكان عنده حق ووقف ترافع عني في المحكمة”.
يذكر أن آخر أعمال عايدة رياض مسلسل “الهرشة السابعة” بطولة أمينة خليل، علي قاسم، محمد شاهين، أسماء جلال، تأليف مريم نعوم، إخراج كريم الشناوي.
كما يُعرض للفنانة عايدة رياض حاليا على منصة شاهد VIP، مسلسل “ليه لأ 3” بطولة نيللي كريم.