12:16 م
الخميس 14 مارس 2024
كتبت- نوران أسامة:
حل كل من المذيع عبدالناصر زيدان والمذيع مهيب عبدالهادي ضيوفًا في برنامج المقالب “رامز جاب من الآخر” الذي يقدمه الفنان رامز جلال، على شاشة “mbc مصر”.
وانتشر مقطع فيديو على تطبيق “تيك توك”، ظهر فيه الإعلامي عبد الناصر زيدان وهو مصاب في يده.
وقال زيدان خلال الفيديو: “السلام عليكم ورحمة الله وبركاته أهلا وسهلا بحضرتكم عايز أوضح حاجة مهمة يا جماعة، تقديري لمعالي المستشار تركي الشيخ رئيس الهيئة العامة للترفيه بالمملكة العربية السعودية يمنعني في إني أتحدث في كتير من التفاصيل الخاصة بالمقلب اللي اتعمل فيا في حلقة رامز جلال وعايز أقول حاجة مهمة جداً أن أنا موضوع مقلب رامز جلال هتتفرجوا على أجمد مقلب في ال30 حلقة حلقتي ستكون أجمل حلقة على الإطلاق”.
وتابع: “ولكن عايز أوضح حاجة مهمة جداً، تقديري لمعالي المستشار تركي الشيخ يمنعني أن أتكلم في مواضيع كتيرة جداً تحدث وتقدم ليا تفوق الوصف وتفوق أي شيء، وعايز أقول حاجة أنا مشوفتش أي جدعنة من مهيب عبدالهادي في روح المقلب وهنا مش بتكلم على فلوس أنا بتكلم على تفاصيل فيما بعد حتى الآن إحنا بنتكلم أن أنا أعمل عملية بره مصر أو نكمل في الوضع دا لمدة 6 شهور، لم أجد أي تقدير يذكر من الأستاذ مهيب عبدالهادي حتى بالسؤال عليا في المستشفى ولم أجد تقدير من رامز جلال”.
واستكمل زيدان: “وعايز أقول حاجة مهمة أنا مش رايح لرامز جلال مضطر أنا سعيد إني أروح لرامز جلال ولكن مش رايح عشان أفقد دراعي عشان أعمل مقلب والناس تتبسط وأنا أكون سعيد بيه وأخد مقابل فلوس أنا بحب أتكلم بمنتهى الصراحة ولكن مش متفق على كسر دراعي كسر مضاعف وأني أعيش بعاهة ربنا يجيب العواقب سليمة”.
وأضاف: “أستاذ أشرف المحامي الشهير خذلني سبب إني أتكلم النهاردة، الأستاذ أشرف عبدالعزيز أداني كلمة شرف وقالي الموضوع عندي، على فكرة أنا مش عايز تعويض مالي ولا الكلام دا كله، دي آخر حاجة أتكلم فيها ولكن من حقي إني أخد تعويض مالي لأن الأمر يستدعى إني أسافر بره وإم بي سي مكلمونيش ولا حد يقولي سلامتك، وحتى لما اتقابلنا بالصدفة أنا ومهيب عبدالهادي وإحنا رايحين الرياض وفي الرياض كان الموضوع بيتأخر باستهتار وأنا كنت بقوله عيب يحصل تجاهل لحد مصاب في يا جماعة الموضوع مش موضوع فلوس”.
وتقوم فكرة البرنامج على تنفيذ مقلب في اثنين من المشاهير، وبعضهما تحدث عن وجود خلاف بينهما، مثل استضافته لمغني المهرجانات حسن شاكوش وطليقته ريم طارق، أيتن عامر وسمية الخشاب، باسم سمرة وأحمد السقا.
@mortadamansour.2 حذرنا قبل كدا ان رامز جلال دا ولد مجنون رسمي لابد أن يتعالج في مستشفى العباسية