الأولى على الثانوية العامة أدبي عن سر نجاحها: بذاكر أول بأول ومحدش جابلي هدية

داخل منزل الطالبة فايزة علي، الأولى على الثانوية العامة، الشعبة الأدبية، الزغاريد تملئ المكان عقب حالة من الصدمة بل والإنكار، إذ حصدت الطالبة ابنة محافظة الجيزة مجموع 392.5، عقب عاما طويلا من التعب والتوتر والقلق، أسدل عليه الستار بتصدرها قائمة أوائل الشعبة الأدبية للثانوية العامة.

مفاجأة لم تكن تتوقعها، من فرحتها تعرضت للإغماء، هكذا كان حال الطالبة الأولى على الثانوية العامة، فور إبلاغها النتيجة: «مين اللي من الاوائل!! أنا» هكذا كان رد الفتاة التي سقطت على الأرض مغشيًا عليها، فور سماع النتيجة وسط ذهول أسرتها وبكائهم، بحسب ما ذكرت لـ«هُن»: «أنا اغمى عليا وأهلي قعدوا يعيطوا، مش مصدقين ولا مستوعبين». 

هو ده سر المجموع

392.5 درجة حصدتهما الطالبة فايزة علي، إذ كشفت عن سر حصدها للمجموع المرتفع، مؤكدة أنها لم تضع نفسها تحت ضغط نفسي، «أنا كنت بذاكر أول بأول، ومش براكم عليا المواد ولا المذاكرة، وبعدها بسيب الكتب وألعب على الموبايل وأخد بريك يوم في الأسبوع، وده كان مخليني مرتاحة، وحتى بعد الامتحان مش براجع وبركز في اللي بعده». 

نفسي ادخل الـ auc

حلم دخول الجامعة الأمريكية، ودراسة الآلسن هو ما توده الطالبة المتفوقة، «نفسي أدخل الـauc، وكانت أحلامي أدخل الألسن، ولكن منتظرة في النهاية هعمل ايه»

محدش مصدق وطبيعي محدش جابلي هدايا

لم تتلق الفتاة من أسرتها وعودا بهدايا ثمينة أو قيمة منذ بداية الامتحانات، كغيرها من الطلاب، «كنت بذاكر عشان أجيب مجموع، لكن طبعًا ولا كان في بالي إني هكون من الأوائل ولا أهلي، عشان كده محدش وعدني بحاجة ولا جابلي حاجة لأنهم مش متوقعين».