01:55 م
الإثنين 26 يونيو 2023
كشفت الفنانة الشابة ليلى أحمد زاهر، عن تفكيرها في إنشاء براند ملابس خاص بها.
وقالت ليلى، ببرنامج ET بالعربي: “بفكر أعمل براند بس لما يجي الوقت المناسب وأكون درست الموضوع صح عشان عايزة لما أعمله يكمل ويبقى براند مشهور جدا وكل الناس عرفاه ومميز ومش عايزاه يبقى منتشر في كل حتة على قد ما هو يبقى مميز”.
وتابعت: “مش هيكون فساتين سوارية وكده بس هيكون لبس حلو وشبهي عايزة كل حاجة تكون مختلفة”.
وأضافت عن حبها للموضة: “أنا بحب اللبس جدا وبحب الفاشون وبحب لبسي دايما يكون مختلف وفيه ألوان كنت زمان بحب الأسود دلوقتي بقيت بحب الألوان أكتر والحاجات المختلفة ودايما أمشي مع الحاجات الجديدة لو عجباني فـ دايما ببقى مهتمة أوي باللبس والميكب والشعر”.
واستكملت عن استعانة والدها الفنان أحمد زاهر برأيها في ملابسه، قائلة: “بابا دايما بيستعين برأيي وبلبسه كتير جدا وهو بيثق في ذوقي جدا هو بيحب ذوقي قوي في اللبس الحمدلله كل البيت بيحب ذوقي في اللبس”.
يذكر أن، آخر أعمال ليلى أحمد زاهر مسلسل “تلت التلاتة” الذي عرض في دراما رمضان الماضي 2023.
المسلسل مكون من 15 حلقة، ويخوض بطولته أحمد مجدي، مي سليم، مصطفى درويش، ليلى أحمد زاهر، محمد القس، صلاح عبدالله وعدد كبير من الفنانين، والعمل ينتمي لنوعية الدراما الاجتماعية المليئة بالإثارة والغموض، وهو من تأليف هبة الحسيني، وإخراج حسن صالح. هنا