فرج عامر: طارق العشري بيعاندني والهاني سليمان كان بيهزر أمام الأهلي

انتقد فرج عامر رئيس نادي سموحة، طارق العشري المدير الفني لفريق سموحة مشددا على أن علاقته معه ستظل سيئة ولن تتحسن.

قال فرج عامر في تصريحاته تليفزيونية: “علاقتي مع طارق العشري مش هتتحسن، طارق العشري طلب لاعيبة وبعد كدة قالي مش عايزهم وده سبب أزمتي معاه”

وأضاف: “طارق العشري بيعاند مع زياد طارق ومش عايز يلاعبه، وعلى الرغم من المستوى الفني المميز للاعب”

وواصل عامر هجومه على العشري كاشفًا السر وراء توتر العلاقة هو طلب العشري العديد من اللاعبين ثم التراجع عن قراره والتأكيد أنه لا يحتاجهم

أضاف: “جبتله زياد طارق، وبعد كدة بيعاند مع اللاعب ومش عايز يلاعبه، بصراحة علاقتي مع طارق العشري هتفضل كدة بسبب العند اللي بيعمله”

فرج عامر يهاجم الهاني سليمان

و هاجم عامر، الهاني سليمان حارس مرمى فريق الكرة الأول بنادي سموحة، بعد تسببه في هدفين في مباراة فريقه أمام الأهلي في نصف نهائي كأس مصر.

وقال عامر: “كان لابد من استبعاد الهاني سليمان من مباراة سيراميكا كليوباترا، الحارس كان قاعد يهزر في ماتش الأهلي من الأول والكل شاف الأخطاء، لذلك كان لازم يستبعد وقبل ماتش الأهلي كان مرتكب بعض الأخطاء برضو”

وعن إمكانية انتقال محمود شبانة إلى صفوف الزمالك قال: “ربنا يسهل، احنا عايشين اليوم بيومه ولسة منعرفش الدنيا فيها ايه؟”