11:54 ص | الإثنين 08 ديسمبر 2025
حلمي طولان ومحمد شريف
اعتذار محمد شريف مهاجم الأهلي ومنتخب مصر الثاني، على ما بدر منه تجاه مديره الفني حلمي طولان، بعد استبداله خلال المواجهة الأولى أمام الكويت، ضمن منافسات الجولة الأولى من دور المجموعات بكأس العرب 2025 بقطر.
تفاصيل اعتذار محمد شريف إلى حلمي طولان
وقال محمد شريف خلال المؤتمر الصحفي الخاص بمواجهة الأردن القادمة في كأس العرب: «الموضوع بتاع الكابتن حلمي، أولًا قبل ما أتكلم في أي حاجة الراجل ده أبويا وهو أول واحد لعبني في مركز رأس الحربة وبعتذر له قدام الجميع عن اللي حصل رغم إن محصلش حاجة من الأساس».
وتابع: «هوضح اللي حصل برضو عشان الكلام الكتير اللي عمال يتقال، اللي حصل ببساطة حطيت إيدي على بؤقي عشان الكاميرات، وقولتله يا كابتن أنا كان نفسي أكمل وحاسس إنني بدأت أفوق».
محمد شريف: الكابتن حلمي قالي اخرج يا شريف مش وقته
وأضاف محمد شريف: «الكابتن حلمي طولان قالي اخرج يا شريف مش وقته، لكن أنا اتكلمت معاه بعشم لإنه أبويا، ولكن ولا تربيتي ولا أخلاقي يسمحولي إنني أعترض على الإطلاق وحصلتلي مواقف كتير أصعب من كدة ومتكلمتش».