رسالة عاجلة من الخطيب لـ لاعبي الأهلي قبل العودة للدوري

حرص محمود الخطيب رئيس مجلس إدارة النادي الأهلي، على الاجتماع باللاعبين والجهاز الفني قبل مباراة إنبي القادمة، في اللقاء الذي يجمع الفريقين، ضمن مباريات الجولة السادسة من مسابقة دوري نايل للمحترفين.

رسالة الكابتن الخطيب لـ لاعبي الأهلي في اجتماع اليوم بالتتش

وقال محمود الخطيب في رسالة تم نشرها عبر الحساب الرسمي للنادي:الكابتن وليد والكابتن عماد وكل الطاقم الموجود، هما اخواتكم، هما المسئولين مسئولية كاملة عن كل ما يخص الفريق الأول.عايز اتكلم معاكم، كـ كورة، الكرة مش اسماء، الكرة “جدعنة ورجولة، وسبرينتات واحتكاك”، الكرة مش اسماء أبدا، خدوا بالكم، احنا في استاد مختار التتش “رحمة الله عليه” احد الاساطير، مرورًا بـ وجود سيادتكم وكلهم كانوا احسن منا، كله راح وانتم دلوقتي وجهة النادي.

وتابع: كلنا بنزول، والأهلي اللي باقي، وان شاء الله سيبقى، اللي صنع الاسم دا مين “الاهلي”، والأهلي بيصنع اسماء كل يوم، مينفعش الناس تلعب باسمائها، الناس تلعب بمجهودها وتكون رجالة الفترة اللي فاتت، مكنتش احب ابدا تكون موجودة معاكم انتم، الاهلي كيان، الاهلي تاريخ، الاهلي مبادئ، الأهلي قيم، والاهلي هيبقى كدا.

وواصل: الأهلي هيذكر اللي هيمشي على نفس الخط بتاعه، لازم نفكر يا رجالة في الكلام دا.. احنا النهاردة ناويين نقدم ايه ونعمل ايه.

واختتم: وانا اتكلمت معاكم قبل كدا، واضح ان احنا نسينا، ازاي تقدروا جماهير الأهلي وتحترموا كيان النادي، هو دا المطلوب منكم، النادي الأهلي بيصبر لكن مبيقبلش أي حاجة غير اللي هيساهم في رفع اسم كيان هذا النادي، دا اللي احنا هنقبله بسانا عندي ثقة كبيرة في كل واحد فيكم، ننسى الفترة اللي فاتت، نشطب عليها، ونشوف اللي جاي ايه، وانا متأكد يا رجالة، لو التركيز زاد، الموضوع ان شاء الله تحققوا كل اللي تتمنوه، واللي الجماهير تتمناهحافظوا على تاريخكم تاريخ ناديكم، نقدر جماهيرنا ونحترمهم، وان شاء الله كلنا نمد ايدينا ونقرأ الفاتحة.