05:47 م
السبت 12 يوليه 2025
كتب – محمد القرش:
روى حسن شريف لاعب بلدية المحلة 2003 معاناته مع كرة القدم وسط ظروفه المالية الطاحنة.
وقال حسن في تصريحات خاصة “لمصراوي”: “أنا لعبت في بلدية المحلة ومودرن سبورت والمجد السكندري، وشوفت ظلم واتبهدلت كتير عشان اوصل لحلمي”.
وأضاف: “كنت بخلص تمرين في النادي، وبسافر 4 ساعات عشان أوصل بلدي البحيرة، واشتغل في بنزينة عشان أجيب فلوس أروح بيها التمرين تاني يوم”.
وواصل: “أنا بصرف على نفسي عشان الإمكانيات المادية بتاعتنا مش أحسن حاجة، وكنت ساعات ببات في الشارع”.
وأردف: “اشتغلت في بنزينة ومبلط سيراميك وبشيل مونة، وكنت بخلص أطلع على التمرين وكل يوم على كدا”.
وأتم: “بعمل كل ده عشان أوصل لهدفي في الكورة، ونفس ربنا يكرمني عشان أساعد أهلي اللي تعبوا معايا كتير جدا، وبحاول أوازن بين الكورة والشغل والدراسة”.