شوبير يكشف مفاجآت في نظام الدوري الجديد.. وأزمة إلغاء الهبوط

كشف الإعلامي أحمد شوبير، مفاجآت بالجملة بشأن نظام الدوري المصري في الموسم الجديد، بعد اجتماع مجلس الرابطة مع الأندية، خلال الساعات الأخيرة، الذي شهد العديد من القرارات المهمة، كاشفًا عدد الأندية الهابطة.

هدية الرابطة لأندية دوري nile

قال شوبير في تصريحات إذاعية عبر برنامج «مع شوبير»، المُذاع عبر «أون سبورت إف إم»: «أحد المسئولين قالي إن اتحاد الكرة هو من يحدد شكل المسابقة والصعود والهبوط، ورابطة الأندية بتقول إن دورها إدارة المسابقة، والأندية طلبت تجديد الثقة عشان كده معملوش انتخابات».

وأضاف: «اشتري مني زي ما قولت لك قبل شهرين إنه هيتم إلغاء الهبوط، أنا بحب الالتزام باللوائح وهتكلم كلام يوجع شوية، اتحاد الكرة من حقه يعمل اللي عايزه في الدرجات الأدنى تحت الدوري الممتاز، فعندك دوي المحترفين اللي من 20 نادي وناجح جدا، هيقول لك ليه معملش نفس النظام اللي حصل في الممتاز، في دوري المحترفين، مش أنت كرابطة أرضيت أندية الدوري الممتاز، ليه ما أعملش كده أنا كمان وألغي الهبوط في المحترفين».

شوبير: استحالة الموسم المقبل يهبد 4 أندية

أشار شوبير: «أنا بقول لك من دلوقتي استحالة الموسم المقبل يهبط 4 أندية زي ما قالت الرابطة، وأخشى أن يكون الموسم المقبل الدوري من مجموعيتن كل مجموعة 12 أو 14 أو 18 زي ما يكون بقى، تعاطفي مع الإسماعيلي واضح، وتعاطفي مع المحلة واضح، لكن النظام دائما هو الأفضل، عشان يكون فيه نجاح ونظام».