11:06 م
الخميس 29 أغسطس 2024
كتب- مروان الطيب:
حل الفنان حسن الرداد ضيفًا في مداخلة هاتفية ببرنامج “القاهرة اليوم” تقديم الفنان إدوارد للحديث عن نجاح أغنيته الجديدة “أصيف” من مسرحية “التلفزيون” التي تم عرضها مؤخرًا ضمن فعاليات مهرجان العلمين في نسخته الثانية هذا العام.
وتطرق الرداد خلال حديثه عن مشاريعه خلال الفترة المقبلة، وعن عرض مسرحية “التلفزيون” في مهرجان العلمين بعد عرضها في “موسم الرياض” ويشاركه البطولة زوجته الفنانة إيمي سمير غانم إلى جانب عدد من النجوم، إلى جانب ترشحه لبطولة مسلسل “سفاح التجمع”، واختيار الفنان أحمد الفيشاوي لبطولة عمل مماثل للشخصية المثيرة للجدل.
وعن نجاح أغنيته “أصيف”، قال: “أنا من الناس اللي كنت متأثر من وأنا صغير بالممثلين اللي كانوا بيغنوا في الأعمال الفنية وفي الغالب بيبقى ليها طابع كوميدي زي الأستاذ أحمد زكي والأستاذ عادل إمام وأساتذة كتير، وببقى متعود لما بعمل عمل كوميدي بحب يبقى ليا أداء في أغنية من أيام نظرية عمتي وفيلم زنقة ستات وفيلم عشان خارجين برضه، ومسرحية التلفزيون كان جواها أغاني، وكان في فكرة أني أعمل أغنية دعائية للمسرحية وفي نفس الوقت بما إننا في الصيف قولنا نعمل الأغنية في العلمين واتطورت الفكرة وعملناها”.
وعن ترشحه لبطولة مسلسل “سفاح التجمع”، أوضح: “كلمني أستاذ محمد العزب المؤلف اللي كان عامل مسلسل سفاح الجيزة، وقالي عاوزين نعمل سفاح التجمع وقولت أن الموضوع مينفعش نبدأ فيه ويدخل في إطار التنفيذ غير لما القضية تخلص، ومن الحاجات اللي كنت زمان شايفها وكنت حابب أعمل شخصية تيد بندي القاتل المتسلسل وكانت من الشخصيات الحلوة بس لسه بندرس ونشوف الموضوع”.
وعن تقديم الفنان أحمد الفيشاوي نفس الشخصية في عمل آخر، قال: “أحمد الفيشاوي ممثل جامد جدًا، ومن الناس اللي بتحبه جدا وبحب موهبته، ولو عمل أي دور أكيد هيعمله حلو، وأنا شخصيًا لسه ما اخدتش قرار أني أعمل المسلسل، ولسه لحد دلوقتي ماوفقتش أو رفضت لكن انا قريت أكتر من حلقة من اللي كاتبهم محمد صلاح العزب حلوين جدًا والمسلسل إنتاج أحمد السبكي”.
وأضاف: “وبشوف أن الشخصيات دي لما الواحد بيتناولها مش بس بالشكل الخارجي بتاعها والشخصية دي بيبقى ليها تركيبة شخصية معينة وأكيد وهو صغير في عوامل معينة أثرت على نفسيته اتغيرت واتحول والموضوع ده بييجي من سلوكه ومالوش دعوة بشغله أو بيتكلم إنجليزي أو راسم تاتوهات مالوش اي علاقة حوالين تقديم الشخصية”.
يذكر أن، آخر مشاركات الفنان حسن الرداد كانت بمسلسل “محارب” وعرض ضمن موسم دراما رمضان 2024.
اقرأ أيضا:
معتز التوني يكشف عن فيلمه الجديد بالتعاون مع أمير كرارة