11:40 م
الخميس 29 أغسطس 2024
كتب – معتز عباس:
كشف المخرج والممثل معتز التوني، عن علاقته بالمخرج أحمد الجندي وفترة دراستهما في معهد السينما.
وقال معتز، ببرنامج بودكاست “فايق ورايق” تقديم الإعلامي أحمد فايق: “أحمد الجندي أخويا، وكان معايا في مدرسة الأورمان ثانوي، أسمع أنه إبن محمود الجندي وكنا بنكره بعض، دخلنا معهد وبقينا أخوات، وكان في اتنين فشلة أوي في المعهد، وأغرب حاجة اننا كنا صحاب دفعة سنة رابعة بالمعهد واحنا كنا لسه في سنة أولى”.
وتابع: “كنا مصاحبين أجمد ناس في الدفعة زي كريم عبدالعزيز، أحمد نادر جلال، أحمد سمير فرج، وحسام الجمال، بقينا بنقعد مع الأباطرة بتوع المعهد”.
وأوضح: “كنت رئيس اتحاد الطلبة في سنة رابعة والجندي النائب واترفضنا من اتحاد الطلبة بسبب دعوات حفلة الألفية”.
وأضاف: “كانوا عاملين حفلة الألفية وجابولنا دعوات نوزعها على الطلبة المتفوقين ببلاش، أنا بقى كرئيس اتحاد الطلبة معايا 50 دعوة بتتباع بفلوس، وزعنا حبة وجبنا حاجات، ولما العميد جابنا خلانا نقدم استقالتنا، أنا خايف أتحبس.. أنا عايز أمشي.. أنا فضفضت كتير أوي”.
اقرأ أيضا..
عزيز الشافعي ينشر محادثة “واتساب” مع شاعر أغنية “اللي يقابل حبيبي” لـ شيرين عبدالوهاب
أول ظهور لوالدة هادية غالب في مسلسلها الجديد (فيديو)