12:25 ص
الثلاثاء 27 فبراير 2024
كتب- مروان الطيب:
علقت الفنانة أمينة خليل على غيابها عن دراما رمضان 2024 وعن حضورها أسبوع الموضة في باريس والذي شهد حضور العديد من مصممي الأزياء العالميين وسط حضور نجوم الموضة والأزياء والفن.
ونشرت صفحة برنامج “عرب وود” لقاء مع الفنانة أمينة خليل علقت خلاله على سبب غيابها عن دراما رمضان 2024 وعن إحساسها بشعور غريب نظرًا لكونها شاركت بأكثر من سباق رمضاني خلال السنوات الماضية وكان لها مقعدًا وسط نجمات الدراما التليفزيونية .
وعن غيابها من دراما رمضان قالت: “غيابي عن رمضان صعب حتى عليا أنا كمان دلوقتي في الوقت ده خلاص رمضان كمان كام أسبوع وببقي دايما انا في الوقت ده بصور وبيبقى إعلان المسلسل بينزل، وفيه حالة حماس يلا عايزين المسلسل ينزل والسنة دي المشاعر جديدة مختلفة غريبة شوية، أنا مش متعودة اني مكونش موجودة لكن بحمد ربنا طبعا على كل حاجة ومقدرة أوي أن بقى عندي وقت ودي حاجة بقالها كتير أوي محصلتش”.
وأضافت: “ودايما بقول عمري ما هاخد شغل غير لو أنا فعلا مصدقة 100% في اللي أنا بعمله وطالما ملقتش ورق يلمس قلبي أنا مش هشتغل والسنة دي ملقتش حاجة حسيت انها تستاهل أشتغل وسنة ونرجع لكم تاني السنة الجاية”.
كما عبرت عن سعادتها بالمشاركة في العرض المسرحي “سناب شات” ضمن فعاليات “موسم الرياض” قائلة: “تجربة المسرح كانت تجربة حلوة أوي انبسطت بيها كان بقالي 15 سنة موقفتش على مسرح، ومفيش رمضان بس الحمد لله يعني فيه حاجة حلوة تحققت لي الناحية التانية ومسرحية سناب شات كانت جميلة وردود الأفعال كانت تحفة الناس اتبسطت بيها وان شاء الله مش هتبقى اخر مرة أقف على المسرح”.
وكان أخر مشاركات الفنانة أمينة خليل مسلسل “الهرشة السابعة” الذي عرض بموسم رمضان 2023 وشاركها البطولة نخبة من الفنانين وهم محمد شاهين، علي قاسم، أسماء جلال، محمد محمود، عايدة رياض، تأليف مريم نعوم، إخراج كريم الشناوي وحقق المسلسل نجاحًا كبيرًا ونسب مشاهدة مرتفعة.
اقرأ أيضا
قبل رمضان 2024.. 10 مشاهير تعرضوا لمواقف محرجة بسبب مقالب رامز جلال
لأول مرة في الوطن العربي.. الإعلامي الإماراتي أنس بوخش في ضيافة “صاحبة السعادة”