داليا شوقي عن يسرا: “وش الخير وكانت دايما بتعمل ولايم”

08:14 م


الأحد 10 سبتمبر 2023

كتبت- شهد القاضي:
تحدثت الفنانة داليا شوقي عن الفنانة الكبيرة يسرا بعد تعاونهما سويا بمسلسل “أحلام سعيدة”، بموسم دراما رمضان 2022.

وقالت داليا، خلال لقائها ببرنامج الستات ما يعرفوش يكدبوا: “أحلام سعيدة مع سيفا كانت برضو محطة مهمة جدا في حياتي، دايما بيقولوا على سيفا وش الخير، وده حقيقي بجد، بموت فيها بجد”.

وأضافت: “كانت بتشجعنا على الفيلم بتاعنا “5 جولات” أنا وآدم وكانت فرحانة بينا قوي وكان أول بطولة لينا مطلقة في السينما، وكانت بتطلع في كل اللقاءات تقول على الفيلم بتاعنا”.
واستكملت: “هي مفيش زيها وعندها مرونة ولذاذة وإنسانة جميلة.. كانت دايما بتحكيلنا قد إيه الحاجات دلوقتي في اللوكيشن بقت أسهل كتير عن زمان، وكانت بتجمعنا دايما بالأكل في البريك وتعمل ولايم”.
مسلسل “أحلام سعيدة” عُرض بموسم دراما رمضان 2022، وهو بطولة يسرا، غادة عادل، مي كساب، إنتصار، شيماء سيف، داليا شوقي، ونخبة من نجوم الفن، ومن تأليف هالة خليل، وإخراج عمرو عرفة.