07:40 م
الأربعاء 12 يونيو 2024
كتب – معتز عباس:
علق مؤدي المهرجانات عصام صاصا، على تنازل زوجة ضحية الدهس أعلى كوبري الدائري عن تهمة قتله لزوجها بالخطأ.
وكتب “عصام” عبر حسابه على موقع “إنستجرام”: “الحمد لله على كل حاجة أنا راضي بقضاء ربنا سبحانه وتعالى، أنا كان أهم حاجة أرضي أهل المتوفي وميكونوش زعلانين مني”.
وأضاف: “أنا عملت اللي عليا وكل حاجة بتاعت ربنا، لأن ربنا وحده اللي عالم أنا كنت عامل إزاي بسبب الحادث وأنا عارف إن ربنا مش هيسيبني ودايما جمبي، والحمد لله تاني ربنا بيجيب كل حاجة كويسة، أدعولي أنا محتاج دعوة من كل واحد.. أوعوا تنسوني”.
وتفاعل مع تدوينته مؤدي المهرجانات حمو بيكا، وعلق: “ربنا يعديها علي خير إن شاء الله يا حبيبي.. أنت نضيف من جواك وربنا هيقف معاك وكلنا في ظهرك لحد متعدي أزمتك على خير”.
وكانت محكمة جنايات الجيزة، قررت اليوم الأربعاء، تأجيل أولى جلسات محاكمة مطرب المهرجانات عصام صاصا، في اتهامه بتعاطي المواد المخدرة والقتل الخطأ والتسبب في وفاة سائق عقب دهسه بسيارته، لجلسة 11 أغسطس المقبل.
وقالت زوجة ضحية عصام صاصا، أمام المحكمة، إنها تتنازل عن اتهام عصام صاصا بالقتل الخطأ لزوجها الراحل، بمحض إرادتها عنها وعن أولادها.
وسألت المحكمة زوجة ضحية عصام صاصا، بعد أداء اليمين القانوني، لماذا حضرتي للمحكمة فأجابت: “عشان أتنازل عن القضية عني وعن أبنائي الأربعة، بصفتي الوصي الشرعي عليهم”.
اقرأ أيضا..
محمد الشرنوبي يطرح أغنية “استغنينا” على “يوتيوب” (فيديو)